LUISTER: 'Ons mis vir Shaleen' sê kykNET-hoof Waldimar Pelser
kykNET-hoof Waldimar Pelser het die ontslape Shaleen Surtie-Richards vereer vir haar talent na sy die SAFTA-toekenning vir Beste Vroulike Byspeler gewen het.
Die ontslape Shaleen Surtie-Richards het die SAFTA-toekenning vir Beste Vroulike Byspeler in die gewilde kykNET&Kie-telenovella, 'Arendsvlei', gewen.
LEES: Shaleen Surtie-Richards verklap haar mees ikoniese rolle
Die ikoniese aktrise, Surtie-Richards, se skielike sterfte in 2021 het die land geruk. Surtie-Richards was in Kaapstad om haar laaste episodes vir die kykNET&Kie telenovella, 'Arendsvlei' te skiet, toe sy sterf.
Surtie-Richards het in 2019 haar eerste verskyning in die telenovelle gemaak as 'Muriel Foster', 'n afgetrede verpleegster.
LEES: Shaleen Surtie-Richards wen SAFTA-toekenning
Die ontslape Surtie-Richards het Saterdag die SAFTA-toekenning ontvang vir die Beste Vroulike Byspeler vir haar rol as 'Muriel Foster' in 'Arendsvlei'.
kykNET-hoof, Waldimar Pelser, het Surtie-Richards vereer vir haar talent en rol in die gewilde telenovelle.
"Dit is moeilik om TV te verbeel sonder Shaleen Surtie-Richards. Haar laaste rol was in 'Arendsvlei' en kykNET is baie dankbaar dat sy nou daarvoor vereer is met hierdie SAFTA. Ons mis haar verskriklik baie," het Pelser aan Jacaranda FM genoem.
Skakel in op 'The Drive with Rob & Roz', weeksdae van 16:00 -19: 00. Stroom die program regstreeks hier of laai ons mobiele app hier af.