#SafeSpace: Akteur Reynardt Hugo praat oor angs en depressie
Die gewilde 'Binnelanders'-akteur, Reynardt Hugo, het met Rob Forbes oor sy verslawing met drank en dwelms en depressie gesels.
Die Suid-Afrikaanse Depressie- en Angsgroep (SADAG) sê tot 80% van Suid-Afrikaners wat geestesgesondheidsondersteuning benodig, kry nie maklik toegang tot hulp nie.
Die statistieke raak meer kommerwekkend wanneer dit kom by Suid-Afrikaanse mans.
Die Wêreldgesondheidsorganisasie noem Suid-Afrika die tweede hoogste selfdood syfer in die wêreld het, kort op die hakke van Rusland.
Van die 13 774 selfdood gevalle wat in 2019 in Suid-Afrika aangemeld is, was 10 861 mans, terwyl 2 913 vroue was.
Hierdie syfers beklemtoon Suid-Afrika se dringende nood om meer hulpbronne bekend te stel om almal, veral mans, te ondersteun.
"Jacaranda FM praat weekliks met sowat 1,5 miljoen luisteraars, van daardie luisteraars is 50% mans. Ons wou ’n veldtog ontwikkel wat impak vir ons manlike gemeenskap kan skep en na baie oorweging het ons Panda gevra om met ons saam te werk,” sê Deirdre King, Bestuurende Direkteur van Jacaranda FM.
Jacaranda FM se #SafeSpace-veldtog, in samewerking met Panda, is geskep om mans met hul geestesgesondheid te ondersteun.
Akteur Reynardt Hugo, wat al vir vyf jaar nugter is, deel intieme besonderhede oor sy lewe met verslawing en depressie, in die hoop om ander mans te help.
Kyk na die volledige gesprek hieronder:
Luister na The Drive with Rob & Roz elke weeksdag van 16:00 tot 19:00 op Jacaranda FM terwyl Rob Forbes en Rozanne McKenzie regdeur November met verskeie manlike bekendes praat oor die uitdagings wat hulle in die gesig gestaar het en hoe die prioritisering van hul geestesgesondheid hulle gehelp het.
Die Panda-toepassing (app) is op die Apple- en Android-toepassingswinkels beskikbaar. Soek vir 'Sluit aan by Panda' om die toepassing af te laai.
Skakel in op 'The Drive with Rob & Roz', weeksdae van 16:00 -19: 00. Stroom die program regstreeks hier of laai ons mobiele app hier af.