Na tien jaar keer Leandie du Randt terug na 'Getroud Met Rugby'
Aktrise, ontwerper, skrywer, entrepreneur en aanbieder - is maar net 'n paar woorde wat Leandie du Randt die beste beskryf.
Tien jaar gelede, het Leandie du Randt een van haar eerste rolle as 'Mieke' in die gewilde Afrikaanse-kykNet-sepie, 'Getroud Met Rugby' gekry.
LEES OOK: EKSKLUSIEF: Joe Foster verklap meer oor troue en nuwe musiek
Sy het sedert haar debuut in die sepie groot naam gemaak. Du Randt het nie net al in verskeie flieks verskyn nie, maar het ook onlangs haar eie klere reeks en motiveringsboeke bekendgestel.
Du Randt het ook haar eie wyn en het onlangs haar eie onderneming begin, To Be Gifted Boxes.
By die viering van 'Getroud Met Rugby' se 10de verjaarsdag op Dinsdag, het du Randt die groot nuus aan SARIE Tydskrif verklap dat sy terug keer na die gewilde sepie!
Hier is 'n kort video van 2012 van Du Randt se karakter in 'Getroud Met Rugby':
Ons is opgewonde om te sien hoe 'Miekie' 10 jaar later gaan lyk.